Shoppestopp 2013 / Juli

Framleis meir moro med neglelakk enn til vanleg!
Framleis meir moro med neglelakk enn til vanleg!

Juli-månad vart som juni. Enklare å gjennomføre grunna ein slakk feriestil. Likevel lærte eg litt nytt om shoppestopp denne månaden også!

  • Eit shoppestoppår handlar like mykje om å finne ut kva ein brukar som kva ein ikkje brukar. Det er det fine! Ein oppdagar stadig vekk saker i garderoben som ein er uendeleg glad for at ein har, og som såleis etter dette året for alltid vil vere del av basisgarderoben. Eg tenkte difor eg kanskje skulle byrje å tipse om småsaker som definitivt er komne for å bli, og som eg gler meg over stadig vekk. Først ut:
    • Ullundertrøyer. Mine er gull! Eg plar å bu i ullundertrøyene mine frå september til april (ull i alle månadar med r i, folkens!). Eg har nokre slike tynne, ermelause, som ein fint kan ha under t-skjorter, skjorter og tynne genserar. På småkjølige somarkveldar denne månaden har ullundertrøyene blitt tatt fram stadig vekk. Dei er lange, elsatiske og rommar slik gravidmagar også. Dei held deg lun, varm og gir komfort til tusen. Mine er frå Pierre Robert og er kort og godt kjøpt på den lokale matbutikken. Sjå i hyllene med sokkar, strømpebukser etc. Ein finn dei over alt. Ullundertrøye folkens, -det er eit must i basisgarderoben!
  • Etter åtte månadar har eg byrja å sjå slitasje på nokre av plagga i klesskapet. Det er t-skjortene som får hardast medfart, men det er også dei eg brukar oftast. Eg brukar t-skjortene mine til både kvardags og trening. Dei er fleirbruksplagg og lever i eit evig kretsløp mellom ytterst i skapet, kropp, skittentøykorg og vaskemaskin. Eg hugsar likevel ikkje sist eg sleit ut ei t-skjorte. Som oftast kjøper eg stadig vekk nye då eg brukar dei hyppig og gir heller bort t-skjorter som etterkvart vert misfarga eller krymper i vask. No har dei evig liv, -heilt til dei ender opp som pussefille etter lang og tru teneste. Dette er ein betre bruk av ressursar og dermed meir miljøvenleg.

    Skikkeleg nais.
    Skikkeleg nais. Neste funksjon: pussefille.
  • Det er mange triks ein kan ty til for å forlenge bruken av kleda i eit svangerskap. Har du høyrt om hårstrikktrikset? Veit du eigentleg kor genialt eit justerbart belte utan hol er? Eller kva med dei mange funksjonane til skjerf og sjal? Eige innlegg om dette kjem!
  • Dette vart den store bryllaupsmånaden kor eg byrja å drodle med nokre venninner om ein «kjolepark». Idéen kom etter ulike byttelån av kjolar før den store bryllaupssesongen. Kjolar og andre antrekk til ekstra fine anledningar vert sjeldan brukt, men det er likevel då me ofte gjer dei største bomkjøpa og brukar mest pengar, -i frustrasjon over å «ikkje ha noko å ha på seg». Kva om ein kunne ha byttelånt i større grad? Slik hamna ein av mine kjolar i bryllaup i Roma og Beirut denne somaren i staden for å keie seg i skapet. Eg sjølv skal lufte ein fin-fin kjole for kusina mi i bryllaup denne helga. Eige innlegg om kjoleparken kjem!
Plass til pupper, mage og masse kake!!! HURRA!!
Plass til svangerskapspupper, mage OG masse kake! HURRA!!
  • Dette shoppestoppåret handlar mellom anna om å bli mindre materialistisk, å klare seg med færre ting og setje pris på det ein har. Merkeleg nok (eller kanskje ikkje) har dette som tidlegare nemnt resultert i enorm glede dei få gongene eg då får noko, anten til låns eller i bursdagsgåve frå andre. Den barnslege gleda boblar opp i meg og eg vert ekstremt glad for å få låne og/eller få merksemda. Ein vil nok alltid ha ein materialist i seg, men det er meir stas å oppleve den materielle gleda i konsentrert form enn som eit svakt, flyktig pust slik eg gjorde tidlegare då eg kjøpte saker stadig vekk. Denne månaden var det eit par fine, bortgløymde shorts i eit skap i  barndomsheimen og lån av ei fargebombe av ein kjole som fekk fram min indre  Amy Farrah Fowler.

/Inga (som lurar på om det berre er ho som har ein indre Amy Farrah Fowler).

6 thoughts on “Shoppestopp 2013 / Juli

  1. Nå har jeg hatt sommerferie fra internett, og koste meg stort med alle postene her inne som jeg ikke hadde lest. Hårstrikktrikset? Jeg fikk en gang låne kjole av min venninne til navnefest, og det var så deilig. Vi har veldig lik kropp så alle kjolene hennes satt som et skudd! Ellers har jeg alltid bunaden som jeg kan bruke i bryllup når jeg ikke har lyst til å bruke penger på kjoler. Og for resten, jeg kom hjem og fant ut at mamma har plukket ramsløk i vår. Jeg koser med med pesto, kryddersmør og tørket ramsløk på hjemmelaget pizza. Har du smakt ramsløk? Anbefales!

    1. Ramslauk som er så godt! Så stas det må vere å plukke sin eigen. Eg kjøper ferdig ramslaukpesto, men skulle gjerne ha laga min eigen. Kanskje neste somar?!

      Så fint at du allereie har hatt positive opplevingar med byttelåning av festklede! Det løyser så mange problem. Hårstrikktrikset kjem snart på bloggen!

  2. Jeg elsker Safa-ullundertøyet mitt, men det hadde ikke vært dumt med ullundertrøyer som går an å skjule under plagg. På tide å besøke Pierre Robert-seksjonen på ICA!

    I vinter kjøpte jeg en litt for dyr, men fantastisk fin gallakjole. Jeg prøver å få brukt den på alle passende anledninger som byr seg. Foreløbig har den vært med på et ball og et bryllup. Man trenger jo ikke å ha ulik kjole hver gang – spesielt ikke når det ikke er de samme gjestene. Men kjolepark var kjempelurt – jeg vet søsteren min og venninne hennes er veldig flink med byttelåning før jentekvelder og fester.

    1. Åh så kjekt å ha ein kjole som du nyttar gong på gong! Eg har stort sett kjolar frå kjedebutikkane og har ikkje tatt like godt vare på alle. Det må endrast!

      Lukke til med ullundertøyet. Mitt er i hyppig bruk kvar dag og det er heilt nydeleg!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s