Om bortgløymde bananer

DSC_0373Hjelpes. Her går det ikkje unna med blogginga. I staden tok kvardagen meg. Og veit du, -den kvardagen er jommen meg feiande fin! Ferie er fint men kvardag toppar alt. Eg er frykteleg glad i rutinane, jobb og skilje mellom vekedag og helg.

Men. Kvardagen fører også til at enkelte ting blir nedprioritert og rett og slett hamnar i gløymeboka. Eg har eit bananproblem som fram til no gjekk i revy kvar veke. Sjølve bananproblemet. Eg kjøper støtt inn ein klase bananer då banan er nydeleg i smoothies, på havregrauten og på skiva. I tillegg er det ein super kalsiumkjelde.

Likevel har eg ein tendens til å gløyme dei ut. Dagane går og brått har bananflogene utagerande fest på kjøkenbenken og banane er eit trist syn. Etter litt forsking har eg lært å ta knekken på bananflogene, – men kva i all verda skal ein gjere med dei brune bananene? Å kaste mat er alltid kjipt.

Heldigvis er bananene som oftast ikkje brune inni sjølv om skalet har skifta farge. Smaken er snarare meir konsentrert. Eg har difor byrja å fryse dei ned om eg ser dei ikkje vert konsumert før dei vert brune. Skrell av skalet, skjer dei i skiver og frys ned i posar. Eit lurt tips er å først fryse betane spreidd over eit brett, før du samlar dei saman i posar. Då unngår du at betane frys til ein klump.

Slik kan ein ta dei opp og framleis nytte i smoothie, -for ikkje å gløyme i bakverk! Då banana er såpass søt, treng ein ikkje sukker når ein brukar den i muffins og kaker. Banan saman med sjokolade er jo eit kapittel for seg sjølv (me snakkar avhengighetsskapande), så kanskje kan denne banankaka vere ein idé om du også har ein trist bananklase liggande.

DSC_0443 kopi

Om du ikkje rekk å ete den opp i løpet av dei neste dagane, kan ein skjere den i skiver og fryse ned. Då kan ein enkelt ta opp ei skive og tine i brødristaren om ein har lyst på noko lunt og godt til ettermiddagskaffien. Ja. Akkurat det. Ettermiddagskaffien. Eit fantastisk konsept som me yngre generasjonar ikkje må nedvurdere. Kven seier eigentleg neitakk til fastlagd fika etter middag kvar dag!? Besteforeldra og foreldra våre var definitivt inne på noko. Dei luringane.

Banankake

  • 4 egg
  • 1/4 kopp olivenolje
  • 1/4 kopp smelta smør
  • 1 kopp sikta kveitemjøl
  • 1 kopp fint sammalt kveitemjøl
  • 2 ts vaniljesukker/vaniljepulver
  • 2 ts bakepulver
  • 1 dl lettmjølk
  • 3-4 modne bananer
  • 1 kopp grovhakka valnøtter
  • 1/2 – 1 plate grovhakka sjokolade (helst med 70% kakao)
  • 1 ts kanel
  • 1 ts kardemomme

Sett steikeomnen på 175 grader.

Bland dei tørre ingrediensene.

Pisk eggedosis av egga før du blander inn mjølk, smør og olivenolje. Bland saman med det tørre. Skrell og finhakk bananene. Vend dei inn i røra saman med sjokoladen og valnøttene. Hell røra i ei smurt brødform.

Steik på 175 grader i 35-45 minutt.

Korleis ta knekken på bananflogene? Bland ein del vatn og ein del eplecidereddik saman med nokre dråpar Zalo. La blandinga stå i eit glas på kjøkenbenken natta over. Simsalabim så er bananflogefesten over!

/Inga

4 thoughts on “Om bortgløymde bananer

  1. Jeg tåler ikke banan så godt, men en halv banan i smoothien går fint. Jeg fryser de ned i biter som du gjør, og slenger de i blenderen sammen med andre godsaker. Jeg var veldig glad i å bruke banan på brødskiven, men det tåler jeg dessverre ikke 😦 I dag hadde jeg smoothie med ananas, mango, banan og tjukkmelk. Superdigg når man er brødlei!

  2. Haha Inga du fikk meg til aa le hoyt paa jobben!
    Vi gjor det samme med bananene, naa har jeg begynt aa henge de opp paa en liten krok som jeg henger paa haandtaket til skapdora.

    Jeg og W snakket om hva som var best med bananfluene, rodvin eller eddik. Saa over natta hadde vi et eksperiment der jeg tok zalo og vin i et glass, og han zalo og eddik, og vi plasserte glassene ved siden av hverandre. Eddiken vant med 12 fluer mot mine 3. Saa da vet vi det!

    Ettermiddagskaffe er genialt!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s