Shoppestopp 2013 / Konklusjon

Er det mogleg å leve med shoppestopp på klede og sko eit heilt år?

Dette spørsmålet stilte eg i innlegget Shoppestopp 2013 og McFashion, posta 20. januar i fjor. Eg var i overkant spent (og hadde mine tvil) då eg vart utfordra av ei venninne. Så er det mogleg?

JA!

…det var rett og slett overraskande enkelt.

I lånte fjær 1
Pregers

-Ihvertfall så lenge ein går på med ein god porsjon entusiasme, vilje om å sjå moglegheiter i klesskapet snarare enn begrensingar og eit kobbel med venninner som stormar til med gravidvenlege klede då ein tek eit svangerskap midt i shoppestoppåret.

Så først av alt: TAKK til Audhild, Karen-Andrea, Mari, Solveig, Solvor og Ane som stilte opp med gravidvenlege klede etterkvart som behovet meldte seg. Utan dykk hadde jammen meg dette prosjektet blitt ei mindre lystbetont affære.

Plass til pupper, mage og masse kake!!! HURRA!!
Hoppande glad over å få låne kjole med plass til gravidmage, kake og dansemoves!

Her er nokre av erfaringane eg har hausta etter dette året:

-Åja, er det dette som er «min stil»!

I det ein bestemmer seg for at ein skal klare seg med det ein har, vert hjernen raskt omstilt til å sjå moglegheiter snarare enn begrensingar i klesskapet. Det er morosamt og ein oppdagar stadig vekk at ein kan kombinere kleda ein har på nye måtar. Samstundes vert ein særs bevisst på kva ein trives i og kva som er «deg». Den rosa toppen med hjerter på var gjerne bakerst i skapet av ein grunn, medan den eine dongeribuksa som er utsleten, men som du fortset å bruke dag etter dag, bør gjerne erstattas med ei identisk ei ved neste korsveg?

Ved å søke litt etter inspirasjon, kan ein sjå kleda sine med nye auge. Instagram-kontoen til Fargerike Dagny har fått meg til å bruke meir fargar i år. Takk! 😀 Elles har eg også blitt rett og slett veldig glad i nokre av plagga mine. Som den trofaste, blå blazeren som fiksar alt og den orange toppen som eg blir i godt humør av å gå med.

Å ta ein time-out frå kjøpefesten for å bli medveten over kva ein faktisk brukar og likar å gå med, gjer det lettare å gjere lure kjøp når shoppestoppen er over.

Framleis meir moro med neglelakk enn til vanleg!
Neglelakken vart hyppig brukt dette året.
Smitteeffekten og den gløymde ynskjelista

Shoppestopp smittar over på anna forbruk. Ein vert kort og godt meir medviten som forbrukar.For første gong på sju år, har me klart å få til vekeshandel av mat. Det har også smitta over på andre kjøp, som til hus, heim og baby.

I boka Shoppingfri, skriv Irina Lee om borna hennar som ikkje visste skilnaden på ei ynskjeliste og ei handleliste. Det kan nok fleire av oss kjenne oss igjen i. Dette året har eg difor tatt fram igjen ynskjelista. Det har vore noko av det finaste med heile shoppestopp-året.

For; ein må ikkje nødvendigvis kjøpe det første og beste ein kjem over, sjølv om ein har råd til det der og då. Å bruke tid på å vurdere om ein eigentleg treng det og vurdere ulike alternativ, er lystbetont og fint. Då er sjansen langt større for at ein gjer eit godt kjøp som ein vil vere nøgd med i mange år framover, -ja kanskje livet ut!

Eg byrja difor å skrive ned saker eg ynskte meg dette året, for så å rangere dei og byrje å spare. Me trengte til dømes to nattbordlamper. To lamper eg i utgangspunktet tykte var for dyre, vart mine etter å ha lagt pengar til sides litt etter litt. Det var ei fenomenal kjensle å kjøpe noko ein  hadde spart til og som ein hadde drøymt om lenge! Ynskjelista er komen for å bli.

DSC_0164 2

Materialisten i oss trur eg ikkje forsvinn, men gleda over ting varar lengre om me legg pengane i færre men meir gjennomtenkte kjøp. Mange saker me tenkjer me «må» ha når me står i butikken, kjenst ikkje like nødvendig etter å ha sove på det. Verkar det som eit like godt kjøp dagen etter, eller etter nokre veker, -ja då er det nok det! Materialistisk glede handlar kort og godt om kvalitet og ikkje kvantitet. Eg vil heller ha to lamper som eg gler meg over livet ut, enn fem som vert byta ut etter tur fordi dei ikkje var så fine/lure som eg tenkte i det eg raska dei med meg i butikken.

Pengar

Om eg skulle ha starta dette prosjektet på nytt, hadde det vore moro å legge av den summen pengar som ei kvinne på min alder nyttar på klede og sko i månaden (780,- iflg. SIFO sitt referansebudsjett). Det har eg ikkje gjort, men eg har utan tvil spart pengar på dette prosjektet. Pengane ein sparar, kan ein til dømes bruke på å fylle opp BSU-kontoen eller mindre økonomiske (men særs morosame) saker. Som blow-dry i London som varar tre sekund.

IMG_0761

Miljø

I staden for å kaste og kjøpe nytt, har eg i år stifta nærare bekjentskap med skomakar og renseri. No over nyttår fekk eg reparert ei dongeribukse på ei systove. Å ta vare på det ein har, fører til lengre brukstid og mindre avfall. Eg kjem definitivt til å fortsette å ta godt vare på det eg har slik at det varar lengre. Med litt vedlikehald hjå flinke fagfolk, vert brukstida lengre enn lang. Det bør heller ikkje vere skilnad på billege og dyre plagg. Om det  ikkje er verdt å å reparere ei bukse som i utgangspunktet kosta 299,-, -ja, då lagar ein uansett meir avfall i det ein kastar den og kjøper ei ny. Slik sett er eg tilhengar av å heller bruke ei ekstra krone på miljøet.

Holete genserar etter eit års ivrig bruk.
Holete genserar etter eit års ivrig bruk.
Alt i alt….

har eg vore langt meir tilfreds dette året. Shoppestopp har dempa jaget etter ting generelt sett. I staden har eg kosa meg med det eg har og heller lagt tid og pengar på anna. Eg har kort og godt hatt lågare puls i kvardagen og ein distanse til kva ein «bør ha» og «fordi eg fortener det». Det har vore utruleg deilig.

Men. Så er det det at eit shoppestopp-år ikkje berre skal vere eit vestleg, sjølvsentrert «eg treng å få oversikt over det sprengfulle klesskapet mitt»-prosjekt.  Viktigast er bevisstgjering rundt langt meir alvorlege tema. Som miljø og rettferd for dei som produserar kleda for oss. Året har gitt grusomme innsyn i tilhøva til tekstilarbeidarar som jobbar under kummerlege og livsfarlege tilhøve. Me kan ikkje akseptere at det fortset slik. Som forbrukar har ein mykje makt, og ved å sette høgare krav, kan liten tue velte stor stein.

Støttestrømper og amme-bh vart mine to sprekkar dette året. Det var heilt ok.
Ein av to sprekker.

Når eg no fortset som forbrukar i 2014, vert det som ein langt meir bevisst forbrukar. Me er godt ut i januar og eg har framleis ikkje kjent noko særleg shoppinglyst. Eg har kjøpt nokre nødvendigheter og eit par sko eg trengte og har ynskt meg lenge (tjoho!), men elles har eg vendt tomvendt heim frå kvar «shoppingtur». Ordet januarsal byr meg snarare i mot enn å vere forlokkande. Shoppinglysta er borte og eg merkar eg vegrar meg mot å dra kortet for noko eg ikkje er 100% sikker på at eg treng. Eg har også blitt meir skeptisk til merkevarer og tek meg sjølv i å google etter informasjon om produksjonstilhøve med meir, stadig vekk. Eg er rett og slett blitt litt sta i forhold til kva eg ynskjer pengane mine skal gå til.

Eg fortset difor 2014 med å ..

– gjere færre, men betre kjøp.

– handle oftare brukt.

– støtte opp under produsentar som produserer klede på etisk vis.

– støtte opp om norske designarar og produsentar.

– fortsette å bruke skomakar, renseri og systover slik at eg forlengar levetida til det eg har.

– fortsette å leite etter nye måtar eg kan bruke det eg har.

Siste dag i shoppestopp-året 2013. Iført bukse full av mjøl, mannen si skjorte og mor sine klogger. Kvifor vart ikkje eg nominert til Dagens outfit på Vixen awards?!
Siste dag i shoppestopp-året 2013. Iført bukse full av mjøl, mannen si skjorte og mor sine klogger. Kvifor vart ikkje eg nominert til Dagens outfit på Vixen awards, sarru?

Shoppestopp-prosjektet har vore eit vanvittig fint prosjekt som eg anbefalar alle å prøve ut. Ein får ein fin ro. Eit lite friminutt frå kjøpefest for å lage «heimefest» med eigne klede, pengar og tid. Det er det verdt!

Har du gjennomført shoppestopp eller er du litt frista? Om du lurar på noko som eg ikkje har skreve om, kom med spørsmålet i kommentarfeltet, -så skal eg svare på det! 🙂

/Inga

Her er månadsoppsummeringane mine frå året som gjekk:

10 thoughts on “Shoppestopp 2013 / Konklusjon

  1. Jeg har også mistet shoppinglysten min. Jeg tenkte at jeg skulle spandere på meg en fin genser eller bluse siden jeg har bursdag om ikke så lenge, men da jeg gikk i butikkene var det ingenting som fristet og jeg ville egentlig bare hjem. Følte ikke for å bruke pengene mine på et tilfeldig plagg, for jeg vet jo at jeg egentlig har veldig fine plagg hjemme som gjør samme nytten. Selvfølgelig, jeg kan alltids bli flinkere til å ikke kjøpe ting jeg også. Jeg er kanskje ikke så glad i å gå i butikker, men nettshopping er jeg en reser på til tider, så det skal jeg begynne å bli mer bevisst rundt fremover. Veldig inspirerende og fint innlegg! Og all ros til deg for at du klarte deg et helt år. 😀

    1. Takk skal du ha fine du! Det er overraskande kor fort ein «skrur av» shoppinghjernen og byrjar å nyte fråveret av kjøpepress. Godt å høyre at andre tenker likt som meg no under januarsalet! Ha ein fin dag! 😀

  2. Inspirerende lesning, Inga! Selv er jeg akkurat i gang med shoppestop 2014. Jeg har lovt meg selv en sprekk i NY i mars (men da med klær av kvalitet som varer!) som belønning underveis.
    Som tips til din bærekraftige forbruker-livsstil slår jeg et slag for klesmerket Sølv, hvis du ikke allerede kjenner til dem. Superfine og bærekraftig klær, og kun produsert på bestilling. Da får man gleden av både å glede seg til det som kommer og gleden av å få noe nytt som varer. Sjekk ut http://www.solv-studioet.com, eller følg dem på Facebook og Instagram.

    1. Oi! Stilig! Eg har aldri høyrt om Sølv før, så takk for tips! Kult konsept.
      Kos deg med shoppestopp og NY! Det høyres ut som ein strålande plan. 😀

  3. Jeg har også litt avsmak for januarsalget i år. Jeg tror rett og slett at garderoben har det den trenger. Nå er jeg heller på det punktet at jeg kan komme på en ting jeg har lyst på og trenger, og så kan man kikke etter det plagget og kjøpe når man finner det perfekte. Jeg har til og med noen tilgodelapper i klesbutikker som jeg sliter med å bruke fordi jeg ikke mangler noe som helst. Men det er egentlig bare deilig! Hvis jeg kjøper noe fremover nå blir det andre klesplagg(som turtøy eller garn for å strikke eget tøy) som får prioritet. Og ja, det er så koselig å ønske seg noe. Jeg fikk for eksempel masse Ittala teema til jul og jeg ble så glad. Måtte nesten kikke på det jevnt og trutt i romjulen(matnerd anyone?). Og jeg syns for resten at outfit med manneskjorte er superfresht 🙂

    1. Ikkje sant! Når ein då finn det perfekte plagget er det mykje meir sannsynleg at ein også tek betre vare på det og gler seg over plagget i lang lang tid! 🙂

      Grattis med Iittala teema, -det er kjempefint!

      …og eg kjem nok til å fortsette å snike litt på herreskjortene til mannen. 😀

  4. Jeg er veldig fristet og har innført shoppestopp. Man ser virkelig på klærne sine med nye øyne og finner ut hva som egentlig er ens stil. Jeg er oppgitt over alt det jeg har kjøpt på impuls, satser på at det blir svært lite av det når shoppestopp-året er over:) Det er inspirerende å lese innleggene dine!

    1. Så flott at du prøver deg på ein shoppestopp! Takk for fine ord og lukke til! Dette klarar du fint (og kanskje oppdagar du at nokre av impulskjøpa dine ikkje var så dumme likevel)!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s