Framsnakking på søndagskvelden

Mammarå

For nokre veker sidan var eg på lanseringa av boka Mammarådet hjå Aschehoug. Dette er eit bokprosjekt som Susanne Kaluza drog i gong for eit halvt år sidan, kor ho inviterte kvinnelege bloggarar til å sende inn tekstar om mammarolla i dag. Resultatet er ei samling tankevekkande, viktige, rørande og fine tekstar som eg absolutt anbefaler å lese.

På denne lanseringsfesten kom eg i snakk med fleire damer som eg har lest bloggane til over lang tid. Det var rart å prate med folk du berre hadde lest tekstane til. Brått hadde dei dialektar og ei stemme. Likevel var det tydeleg korleis personlegdomane deira skin gjennom tekstane. Menneska stemte kort og godt med tekstane!

Eg fekk prata med flotte Jona som skriv tankevekkande tekstar på Mammalivet. Sprudlande og morosame Stine som skriv Diaperdivadiary viste seg å vere frå Kææærmøynå (det kjem forøvrig fram i bloggen hennar, men eg som vandrar rundt i ammetåka hadde ikkje fått med meg at ho kom frå «like borti høgget» frå kor eg vaks opp). Susanne var like stødig og klår i bodskapen som alltid (fytti for ei tøff dame). Eg fekk tatt selfie med kule Pia som står bak dei hysterisk morosame Bønna-innlegga og eg fekk prata med tøffe Suzanne som har skreve ein av dei mest rørande og rause tekstane i Mammarådet. På toppen av det heile kom eg i snakk med Ida som også skriv om miljø og ein grønare kvardag!!

Det vart kort og godt ein fenomenal kveld med mange gode samtalar og nye bekjentskaper. Eg anbefaler på det varmaste å stikke innom bloggane til desse bra damene. Ein blir kort og godt litt klokare og får litt å tygge på.

Ha ei feiande fin veke!

/Inga

3 thoughts on “Framsnakking på søndagskvelden

  1. Hørtes veldig koselig og morsomt ut! Lurer på om jeg har noen nytte av å lese denne boka. Jeg er jo ingen mor, men kommer vel til å bli det engang i fremtiden, så relevant er det jo på et vis uansett. Er uansett morsomt og interessant å lese slike tekster, og jeg leser jo allerede bloggene til noen av de som har vært med på å skrive boka – og er helt enig i at det er snakk om flotte og sterke damer.

    1. Eg anbefalar å lese den til alle! Eg las fleire av desse mammaboggane lenge før eg vart mor sjølv. Tekstane seier ikkje berre noko om morsrolla, men også noko om tida me lever i. Leseverdig! 🙂

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s