Når er frukt og grønt i sesong?

cropped-20130709-120807.jpg

Å handle kortreist mat og ete etter sesong er eit fint miljøtiltak (eg har skreve litt om dette tidlegare her). Varene reiser kortare avstandar, norsk frukt og grønt som er i sesong er ofte rimelegare enn utanlandske alternativ, samstundes som at råvarene er på sitt beste, -både på smak og næringsinnhald.  Å ete etter sesong er kort og godt billeg og bra!

Likevel kan det for ein nordmann i 2015 vere utfordrande å vete kva som er i sesong når. Butikkane sel ferske jordbær på julafta og plommer i mai. Me er litt sesongforvirra og er vande med at alt er tilgjengeleg heile året.

Eg prøver å gå etter NYT Norge-merket når eg handlar, men eg saknar ofte eit større utval hjå dei største kjedene. Ideellt sett kan ein be butikkane bestille inn det du saknar, då dei ofte er på tilbudssida. Viss ein ikkje veit kva som er i sesong og tilgjengeleg når, kjem ein likevel til kort.

Difor vart eg så glad då eg fann mange fine sesongkalenderar på nett.

sesongkalender_bilde

Sesongkalenderen de ser over er utarbeida av Fylkesmannen i Vestfold, Hordaland og Sogn- og fjordane. Den gir ein fin oversikt over kva som er i sesong når. Grøn prikk viser kva som er nyplukka og i sesong, medan oransje prikk viser kva som er i sesong grunna lagring. Denne er så fin at eg jaggu skal printe den ut og henge på kjøleskapet!

Viss du ynskjer ein sesongkalender med utelukka norskproduserte økologiske varer, er denne kalenderen, laga av Bioforsk, veldig fin.

Bloggaren Kjernesunn nordkvinne har laga nokre fine tabeller med oversikt over frukt, grønsaker og bær som de finn her og som de ser nedanføre. Ho har også tatt med grønsaker, frukt og bær som ikkje vert produsert i Noreg, og dei er merka med ei stjerne. Der ser ein til dømes når appelsinene er på sitt beste!

Sesongkalender frukt og bær

Sesongkalender grønnsaker

Til slutt må eg tipse om Smak av kysten, -ein nettstad utvikla av Norsk sjømatsenter. Her finn ein ein fin oversikt over kva fisk som er anbefalt for kvar månad. Til dømes er torsken på sitt beste frå septemer til april (alle månadar med «r» i), medan makrellen er i sesong mellom mai og august. Fint å vete!

No skal oversikten opp på kjøleskapet og så skal det fråtsas i sesongvarer. No i mai skal eg ut på jakt etter norske asparges og etter det er det rabarbrasesong! Hurra!

/Er de flinke til å handle etter sesong og er det nokre varer de gler dykk ekstra mykje til? Eg blir kjempeglad for tips!

Ha ein fin kveld!

/Inga

2 thoughts on “Når er frukt og grønt i sesong?

  1. Jeg er alt for dårlig til å handle etter sesong, sånn bortsett fra klementin til jul, appelsin til påske, jordbær og nektarin på sommeren, men det er varer jeg kjøper uten å tenke mye over det, egentlig. Burde jo selvsagt tenke litt mer på kortreistmat, men som student går man ofte etter det som er billigst. Takk for tabellene forresten! Skal prøve å huske på å titte på de med jevne mellomrom 🙂

  2. Ikkje sant, -men hugs at frukt og grønt som er i sesong ofte er rimelegare enn anna frukt og grønt! Det er berre kjekt å dele slike fine tabellar. Eg lærte mykje sjølv! 🙂

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s