Sjokolademilkshake for gravide og andre trengande

DSC_0769

Det har vore få spanande cravings å skrive heim om denne graviditeten også. Eg har ikkje kjent noko sug etter verken murpuss, eksos eller kokosbollar. Heilt til no.

Eg er blitt ekstremt oppteken av sjokolademilkshake dei siste vekene. Eg har lyst på det kvar.dag. Det geniale med graviditet er at ein då kan forklare det med at «då er det nok eit signal frå kroppen om at den treng det». Eg er ihvertfall ein ivrig tilhengar av den teorien og slik vert det fort smågodt-tysdagar og sushi-torsdagar. Kroppen befaler!

Men. Ein kan kanskje ikkje meske seg med milkshake kvar dag. Eg har difor laga ein litt meir nyttig versjon dei siste vekene som har blitt ein schläger både hjå meg og minstemann. Den vert nytta som dessert, mellommåltid eller blodsukkerredning når ein kjem frå barnehagen og det er lenge til middag. Den inneheld ikkje sukker eller iskrem, men smakar likevel overraskande usunt og herleg kremete.

«Godt!!!» utbraut O entusiastisk fleire gonger i dag då han fekk det etter barnehagen, -og tru meg, det er eit betre smaksbevis enn fem stjerner frå Robinson og Fredag.

DSC_0768

Ein litt meir nyttig sjokolademilkshake
(2 store glas)

  • 3 dl H-mjølk
  • 1 banan (gjerne økologisk)
  • 1-2 ss kakaopulver
  • 1/2 ts ekte vaniljepulver
  • 4-5 isbetar

Køyr alt i blender til du har ein krema og fin konsistens. Server i glas og gjerne med eit fint sugerøyr!

(Om du har i ein espresso vert det ein genial iskaffi som like gjerne kan drikkast på morgonkvisten som etter middag.)

Kos deg!

/Inga

4 thoughts on “Sjokolademilkshake for gravide og andre trengande

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s