Kladdkake med raudbete

dsc_0965

Me har hatt sjukedag i heimen, og då ender me ofte med å bake litt. I dag vart det ei svensk kladdkake basert på denne oppskrifta, men tilpassa vårt eige kjøkenskap. Med raudbete i røra, kunne me også bruke litt av innhaldet i grønsaksskuffa.

Raudbete er utruleg godt saman med sjokolade, og gjer kaka enda meir saftig. Pasienten meinte kaka heitte «medisinkake», så då håpar me den gjer susen på formen også!

dsc_0976

Oppskrift på kladdkake

  • 1 liten raudbete (ca. 100 g)
  • 100 g smør
  • 2 dl sukker
  • 2 egg
  • 4 ss kakao
  • 1 dl kveitemjøl
  • 1 knip salt

Sett ovnen på 175 grader.

Skrell raudbeten og kok den til den er mør. Avkjøl den før du riv den på eit rivjern.

Smelt smøret i ein stor kjele. Sett kjelen til side.

Bland sukker og egg i kjelen saman med smøret. Tilsett reven raudbete og bland godt. Tilsett resten av ingrediensene.

Smør ei kakeform (rund: 21 cm i diameter) med litt smør og dryss litt kveitemjøl over smøret. Då blir kaka lettare å få ut etterpå. Hell røra i kakeforma og steik på 175 grader i 30 minutt.

Dryss over litt melis før servering.

dsc_0961

Etter kakebaking la me oss i kjøkensofaen og las i bøkene me fekk til jul. Mummitrollet er blitt ein ny favoritt, og det er eit kjærkoment avbrekk frå Brannmann Sam!

Slike sjukedagar passar aldri, men når dei er her, er det godt å tilbringe dei i kjøkensofaen med pasienten i armkroken. No skal eg ete restene av kladdkaka og sjå på Anno. Ha ein flott kveld!

2 thoughts on “Kladdkake med raudbete

  1. Jeg baker også rødbetkake, men på en annen måte. Blant annet koker jeg rødbetene og moser dem til pure, det gir en myk og fyldig konsistens.

    God bedring til den syke! Og jeg er helt enig: Dette er en skikkelig sunn bli-frisk-kake!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s