Forsøk på å handle emballasjefritt: forsøk 1

På måndag starta det. Mitt nye forsøk på å produsere mindre avfall. Mannen var skeptisk og såg nok for seg at me kom til å leve på kålrot og springvatn, -evt. at matbudsjettet kom til å bli firedobla ved at me måtte byrje å handle alt i spesialbutikkar.

Eit kompromiss vart at me byrja i det små og tok ein vanleg vekeshandel i den faste butikken, men skulle velje emballasjefritt der det var mogleg.

Handlelista innehaldt heilt ordinære ting for ein småbarnsfamilie. Ost, mjølk, havregryn, frukt og grønt, pasta med meir.

Handelen gjekk dårlegare enn venta. Til tross for at dette var ein velassortert matbutikk, vart berre 10 av 42 artiklar emballasjefri.

Emballasjefri produkt: appelsiner, dadler, eple, sitron, mango, kålrot, ingefær, purre, søtpotet og kaffibønner.

Alternativ til emballasje og plastposar: små vaskenett til frukt og grønt, papirpose til kaffibønner og handlenett til alle varene. Alt tok eg med heimefrå.

Det var i hovudsak frukt og grønt som gjekk av med sigeren, men også her var det alt for lite å få i lausvekt. Kvifor må ein til dømes pakke inn ein blomkål i plast? Eller ein agurk? Det er ei gåte for meg.

Då ein heller ikkje kunne få kaffi i lausvekt, slik eg hadde trudd på førehand, vart redningen å stikke innom kaffibaren til Amundsen på veg heim. Der fekk eg kjøpe deilige kaffibønner i lausvekt, og fekk dei med meg i ein tom papirpose eg hadde med heimefrå. Eg skal innrømme det var først litt rart å spørje om eg kunne få kaffien i medbragt pose. Då den strålande jenta bak disken viste seg å vere nysjerrig på prosjektet, vart det i staden berre hyggeleg! Kaffien var også heilt nydeleg, så så langt har det emballasjefrie prosjektet til og med vore litt luksus!

Då eg er i Tyskland heile neste veke, tek prosjektet ein liten pause før eg prøver igjen veka etter. Då skal kvitteringa innehalde fleire emballasjefri produkt!

/Inga

4 thoughts on “Forsøk på å handle emballasjefritt: forsøk 1

    1. Jo, men som sagt skulle eg prøve ein vanleg vekeshandel utan å gå i ekstra butikkar den første gongen, -berre for å sjå kor mykje emballasjefritt ein kunne få. Neste gong utvidar eg søket! 🙂

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s