Grøn mat for sjela i oktober

OLYMPUS DIGITAL CAMERA

Brått er november her. Det er lenge sidan eg laga ei liste over grøne og fine ting frå ein månad. Det må difor til. Det betyr ikkje at eg berre har gjort miljøvenlege val heile månaden. Ikkje i det heile tatt. Men eg er overbevist at om me fokuserer på dei miljøvenlege vala me får til, -og gler oss over dei, vert det enda lettare å ta miljøvenlege val ved neste korsveg. Skippa du fancy middag til fordel for å ete middagsrestar som eigentleg skulle bli kasta? Då er sannsynet for at du gjer det igjen, høgare. Lot du bilen stå til fordel for å bruke beina eller sykkel til jobb? Då er det lettare å gjere det neste dag også. Er du enig?

Her er nokre grøne fine ting frå oktober:

Bruktkjøp av køyeseng

Me trengte ny seng til ungane, og fekk tak i ei flott køyeseng med madrasser her i Haugesund, via Finn. Hurra! Meir om dette i eit eige innlegg.

Bruktkjøp av klede til eldstemann

Å kjøpe klespakkar til ungar på kjøp-og-sal-sida til Haugesund og omegn, er gull verdt. Du får gjerne fleire plagg til prisen av eit, i rett størrrelse og pent brukt. Her vart det både ny boblejakke, genser og nok ei dongeribukse. Det siste er sårt tiltrengt, då det vert hol på kneet etter kort tid på dei fleste buksene.

Resirkulering av matrestar i vinduskarmen.

Purre- og vårlaukstubbar vert som nye når ein set dei i vatn. Dette artige prosjektet ser ut til å bli særs vellukka, og no skal eg teste ut salat også.

Spontan strandrydding

Me fekk til ei lita strandrydding på Hamresanden i haustferien. Det var fint å gjere eit lite tiltak for somarferiestranda vår.

Resirkulerbar gåver til bursdagsborn

Minstemann fekk ei resirkulerbar gåve til bursdagen, med høg sjarmfaktor.

Boka eg alltid har sakna

Eg fann boka eg alltid har sakna, på biblioteket i Haugesund. Leseverdig om sjølvdyrking og alt anna som skal til for å bli sjølvhjulpen.

Kortreist lam i fryseboksen

Me fekk levert eit lam frå andelsbruket me er del av. Lammet har tusla rundt i Etnefjella i somar, og no fekk me det ferdig partert. Når ein først skal ete kjøt, er det fint å vete at dyret har hatt det som plomma i egget.

Fin fiksedag

Fiksedagen på Gamle slaktehuset var veldig kjekk og interessant!

Fly-fri haustferie i utlandet

Me droppa flyferie og reiste i staden på ferie til Danmark med bil og båt. Det var minst like kjekt!

Vekeshandel som reduserer matavfallet vårt betrakteleg.

Me har kome i gong med vekeshandel igjen, og det har stor effekt på matsvinnet.

…så ei av sakene eg ikkje har fått til.

Sykkel for bil

Denne månaden har det vore skikkeleg vanskeleg! Eg har sykla til jobb kvar dag, men bilen har likevel blitt brukt særs ofte. Det er rart med det. Nokre vanar er vanskelegare å vende.

No bur me oss på vintersykling. Syklane skal utstyrast med vinterdekk, så håpar me at november blir ein betre månad.

IMG_20171101_104354_433.jpg

Kva grøne val har du tatt denne månaden? Er det noko som har vore skikkeleg vanskeleg å få til? Del gjerne i kommentarfeltet. Det er så kjekt å høyre om kva andre gjer!

Ha ein fin dag!

Inga

Lyst til å få nye innlegg rett i Facebook-feeden? Følg meg gjerne her på Facebook!

LagreLagre

LagreLagre

LagreLagre

LagreLagre

LagreLagre

Fin fiksedag

Laurdag gjekk fiksedagen av stabelen, og eg var innom og kika. Det var eit veldig fint arrangement! Haugesund husflidslag, Spinn sykkelbutikk med fleire, var der for å reparere saker og ting folk kom med. I tillegg hadde Framtiden i våre hender og Besteforeldrenes klimaaksjon stand der dei delte ut informasjonsmateriell og var klare for å slå av ein prat.

Eg hadde ein veldig kjekk prat med Ståle Pedersen frå Besteforeldrenes klimaaksjon. Han hadde eit stort engasjement for klimasaka, og vil gjerne ha fleire medlemmer her på Haugalandet. Om du er interessert, kan du melde deg inn her.

Han fortalte mellom anna at han har heilt slutta å fly, som eit bidrag til klimaet. Det er imponerande!

Fremtiden i våre hender var også på plass med kjekke folk og mykje nyttig informasjon. Eg fekk med meg eit av dei fine blada deira, med mange gode tips til ein grønare kvardag.

Sjølv hadde eg ingenting som skulle fiksast denne dagen, men eg håpar dette arrangementet vert til neste år også. Eit flott tiltak fleire må besøke!

LagreLagreLagreLagre

LagreLagre

Fiksedagen på Haugalandet

På laurdag er det Fiksedagen på Haugalandet! Arrangementet er på Gamle slaktehuset og varer frå kl. 11.00-15.00.

Her kan ein komme for å få reparert alt i frå sko til syklar, og å få tips og inspirasjon til korleis ein kan fikse og redesigne eigne ting heime. Mellom slaga kan ein nyte kaffi (av den beste i byen) på cafeen Hos Carlos som ligg i same bygget. Her er det altså mange gode grunnar til å ta turen!

Det vert arrangert ulike fiksedagar med jamne mellomrom over heile landet. Om du ikkje finn ein der du er, kan du finne mange tips og lenker til handverkarar på Naturvernforbundet si nettside Ta vare på det du har. Å ta vare på det du har ved å reparere eller redesigne, sparer kloden for mykje avfall og store utslepp. I tillegg sparer du lommeboka!

Her er nokre gode fiksarar i Haugesund, som eg har skreve om tidlegare:

Easyfiks

Pedalen sykkelverkstad

Ha ein flott dag!

Inga 🙂

LagreLagre

Kva me kan gjere for insektene

Sidan 1990 har ei gruppe tyske forskarar kartlagd insektbestanden i 63 naturreservat i Tyskland. No viser funna deira at i løpet av denne tida, har bestanden sunke med 75%. Det er alarmerande tal. Måten me nytter areala våre på i Europa får mykje av skulda. Asfaltering og industrielt landbruk der ein tek i bruk store landområde, reduserer livsgrunnlaget for insekta. I tillegg er bruken av sprøytemiddel også framheva som ein av dei store grunnane.

Så kvifor er det så farleg med insekta? Mat må me jo dyrke? -Og om ein ikkje bruker sprøytemiddel, kan vel vinninga gå opp i spinninga ved at insekt me ikkje ynskjer i åkrane, kjem og øydelegg alt? Så enkelt er det ikkje. Insekta er sjølve navet i økosystemet vårt, der dei sørger for pollinering, frakting av frø, nedbryting av organisk material med meir. Insekta er kort og godt kjempe viktige  for at me skal kunne produsere mat. Ei verd utan insekt tør ikkje forskarane tenkje på.

Så kva kan me gjere med dette? Først og fremst er dette ei oppgåve for europeiske politikarar og byråkratar, då det er dei som kan gjere dei største tiltaka. Likevel kan me alle gjere litt, og om alle gjer litt, ja då kan me flytte fjell!

Her er kva me kan gjere for insektbestanden rundt oss:

Dropp eller reduser bruk av sprøytemiddel i hagen og åkeren.

Tips til kva du heller kan ty til, finn du her:

Plant insektvenlege planter og blomar.

Om du ikkje har ein hage, fyll krukker på terrassen eller balkongkassen med blomar som humler og andre insekt likar. Kanskje har sameiget eller velforeningen din eit uteareal kor ein kan få lov til plante insektvenlege planter? Det er mange stader ein finn tomme areal med berre grasplenar, som kunne gjort større nytte, -og sett enda flottare ut! Oversikt over insektvenlege planter og andre tips, finn du her:

Lag ein humlekasse.

Tilgongen til stader ein kan bygge bol, er mindre for humlene i dag. Difor er det fint å bygge små hotell til dei som gjer det lettare for dei å gjere jobben sin. Her finn du nokre fine artiklar og oppskrifter til dette:

Håpar du fekk nokre tips til kva ein kan gjere når våren er her igjen om nokre månadar. Eg er sikker på at me kan gjere store skilnadar om alle gjer litt. Kom gjerne med tips i kommentarfeltet om du har erfaring med blomar som insektene likar ekstra godt. Ha ein strålande dag!

LagreLagre

LagreLagre

Spontan strandrydding på Hamresanden

Me gjekk tur på Hamresanden i går. Der var store delar av stranda dekka av søppel og anna som hadde rekt i land under uvêret forrige veke. Me tok ei lita spontan strandrydding og sjølv om me ikkje hadde tid til meir enn nokre tjue meter av strandlinja, vart både ein og to posar raskt fyllt opp. Litt er betre enn ingenting!

LagreLagre

LagreLagre

LagreLagre