Luksus innpakka i biepapir

For nokre veker sidan fekk me eit stort stykke parmesan frå ein god nabo som hadde vore på ferie i Italia. Den smakte heilt nydeleg, og har blitt brukt til alt i frå høgtidleg pålegg på knekkebrødet til topping på pasta og supper.

Samstundes prøver me å spare lengst mogleg på den! Då er det fint at me har bivokspapir i hus. Det har vore i bruk sidan eg fekk det til jul, og det er heilt genialt! Eit mykje smartare alternativ til plastfolien. Parmesanosten kan oppbevarast lenge i kjøleskapet, utan at den mister smak eller tørker ut.

Bivokspapir kan ein få kjøpt hjå Økokrambua og hjå Life Brandtzæg i Skippergata her i Haugesund. Ein finn det også på nett hjå Agent M og hjå Be:Eco Shop.

Bloggen kjem tilbake

Først av alt, tusen takk for alle tilbakemeldingar og ynskje om at bloggen skulle komme tilbake! Eg var ikkje klar over at så mange sette pris på den. Det gler meg voldsomt.

Eg har sakna å skrive og dele engasjementet mitt. Det er min litle fristad der eg får «tømt meg» for miljøvenlege tips og triks, men også kor eg får utruleg mange innspel frå dykk kloke menneske som fylgjer meg. Bloggen kjem altså tilbake. Den er i og for seg eit overskotsprosjekt, så det er ikkje sikkert det kjem innlegg kvar veke, ei heller kvar månad. Men kjem det ikkje innlegg ein periode, så betyr det ikkje at engasjementet er dalande. Snarare tvert i mot! Livet går berre av og til i racerfart, -noko sikkert fleire av dykk har erfaring med! Hehe.

Har de innspel om tema for blogginnlegg, saker eg burde ta opp eller finne ut av, legg gjerne igjen ein kommentar her, på Instagram eller på mail. Det blir eg veldig glad for!

Me bloggast!

Klem frå Inga 🙂

Frå ein av mange fine somarmorgonar i Mandal. Krabbeteinetrekking med dei to kråkebollene mine.

Kjære butikktilsette

Det er ei sak eg stussar med ofte når eg går og handlar, -at dei som sit i kassa ofte putter varer oppi ekstra plastposar utan at kunden har bedt om det.

Eg vel ofte bort dei små, tynne posane til frukt og grønt. Anten har eg med eigne vaskeposar som eg bruker til dette, eller så legg eg berre frukten og grønsakene laust i korga. Det er ikkje krise. All mat blir vaska før me lagar mat av den, og mykje av frukten og grønsakene blir i tillegg skrelt.

Nesten kvar gong på butikken* opplever eg likevel at dei tilsette legg frukten og grønsakene mine i plastposar når dei skal bipe det gjennom kassa. Det er heller ikkje berre frukt, men også sjokoladar (som allereie har emballasje rundt seg), blomar, og småting vert lagde opp i desse plastposane før dei vert levert tilbake til meg. Det er rart, for eg ber aldri om det. Nokre gonger har eg oppdaga det før plastposen vert tatt på, -og takka nei. Men andre gonger der eg for oppteken med å legge varer på bandet, har eg brått fått 3-5 små plastposar ekstra med varene mine. Det er kjempe synd!

Ein mogleg grunn kan vere at dei tilsette er redde for at varene skal ta skade, skitne til dei andre varene eller anna før kunden kjem heim, -men det tenkjer eg er kunden sitt problem. Ber ikkje kunden om ekstra småposar i kassa, bør ikkje dei tilsette tilby det, eller ta det på utan å spørje.

Eg håpar butikktilsette kan vere med på ein slik dugnad! Det betyr mindre avfall, sparing av utgifter, meir nøgde kundar og er eit fint tiltak for miljøet.

*dette har eg opplevd både på Spar, Coop Prix, Kiwi, Rema 1000 og Meny.

Ei sitron treng ikkje ekstra plast rundt seg. Den passar like fint rett i handlenettet, -eller i handa!

Har du opplevd liknande og tykkjer du at det er eit problem?

Ha ein fin dag!

/Inga 🙂

LagreLagre

LagreLagre

LagreLagre

Grønt i januar

I går var det reine vårstemningen i Haugesund, og eg fekk nesten lyst til å ta fram hagemøblane og takke vinteren for innsatsen for denne gong. Det er så kjekt når våren kjem, det vert lysare ute, me drikk kaffi med naboane rett som det er og går ut og inn av kvarandre sine hagar. Det er herleg! Men men, me får vere i vintermodus litt til, -me skal tross alt på vinterferie snart og allereie til veka skal eg til det snødekte Austlandet. Det gler eg meg til!

Januar gjekk raskt denne gongen, men fleire fine grøne saker skjedde. Mellom anna laga eg bivokspapir for første gong!

Eg fekk reparert nokre sko eg hadde gitt opp håpet for. Det var stas det!

Eg delte eit av dei finaste bruktplagga eg har. Det tredve år gamle skinnskjørtet som er like fint i dag!

Eg laga fuglemat på høggir og fekk eit yrande fugleliv i hagen då snøen kom.

Eg reparerte tur- og treningsklede som hadde større og mindre slitasje. Endeleg kunne eg ta alt i bruk igjen!

Utklipp: Haugesund avis. 25. januar 2018.

Eg var særs bekymra for all gummigranulaten som vert spreidd frå kunstgrasbanane rundt om.

Eg vart imponert over det rikhaldige innhaldet i programmet til Klimafestivalen 112, og konstaterte at noko må også skje i Haugesund til neste år!

Eg fekk både ein genser og eit par sko i gåve av venninner som ikkje skulle ha dei lenger. Så langt går dette shoppestopp-året umerka hen. Eg har ikkje heilt tenkt over at eg har shoppestopp enda, så det er eit godt teikn! Det einaste eg er litt bekymra for er det minkande talet på heile strømpebukser i klesskapet. Det tenkte eg ikkje på å bunkre opp med då eg byrja!

Om det er noko du saknar av innhald her inne på Notisboka, som du tykkjer eg burde ha skreve om, undersøkt eller tatt opp, gi ein lyd i kommentarfeltet eller på mail! Det er veldig kjekt og interessant å få innspel.

Ha ein fin søndag, då folkens!

/Inga

LagreLagre

Grøne saker eg skal fortsette med i 2018

OLYMPUS DIGITAL CAMERA

Nyttårsforsett og meg går ikkje heilt hand i hand. Godtestopp varer som oftast to dagar (oi! Sjokoladenissane som eg gøymte for meg sjølv lengst bak i skapet!) og mål om å møte opp på treningssenter kvar veke, har litt for ofte enda med etterlysningssmsar frå treningssenteret som startar med «Vi har ikke sett deg på 30 dager». Nyttårsforsetta har difor kapituler for lenge sidan. I staden går eg for mål om å fortsette med saker som var kjekke, nyttige og underhaldande i året som gjekk. Dei var det mange av, men her er dei grøne sakene som eg skal fortsette med i 2018. Om eg får dei like bra til som i fjor, er eg godt nøgd, -men om det går enda betre blir eg særs nøgd! I tillegg til dei mange små, har eg også eit stort ett, som eg resirkulerer frå året 2013.

1. Fortsette å handle ein gong i veka og ha 1-2 restedagar

Dette kom me godt i gong med i fjor, og det har minska matsvinnet betrakteleg.

img_0305

2. Fortsette å fase ut eingongsplast og anna unødvendig avfall i heimen

Plastfolie, små plastposar og liknande skal i størst mogleg grad ut, til fordel for bivokspapir og andre gjenbruksløysingar.

OLYMPUS DIGITAL CAMERA

3. Plukke meir søppel

Ha med pose på tur og bli flinkare til å plukke søppel når me kan.

IMG_0715

4. Fly minst mogleg.

Dei siste åra har eg hatt to turar i året der eg har flydd. I fjor var me i eit bryllaup i Oslo ei helg, og til Tyskland med jobben ei veke. Utover det gjekk me for flyfrie feriar.

I år ventar to turar med fly som me veit om. Eg skal på eit kurs i Oslo i februar, og me skal endeleg besøke svigerinne og svoger i England igjen! Det er alt for lenge sidan. Utanom dette skal eg og mann moglegvis på ein tur som krevjer fly. Det vert difor kanskje ein tur meir i år, men då er målet å fly mindre igjen til neste år.

img_0747

5. Ete mindre kjøt

Dette året har eg minska kjøtinntaket betrakteleg utan at det eigentleg har vore eit bevisst mål. Eg veit ikkje heilt kvifor, men kjøt smakar ikkje like godt til kvardags lengre. No har me stort sett 1-2 kjøtmiddagar i veka.

img_0252

6. Ha 30-50% bilfrie dagar i løpet av ein månad

Sykkelen har stort sett blitt brukt til jobb kvar dag i haust, og også mykje utanom. Likevel er småkøyring til butikkar og andre ærend vanskelegare å slutte med enn me trudde. Nokre vaner er utruleg vonde å vende! No skal me brette opp ermene for å bli betre på dette.

…og så eit større eit…

 

 

7. Ha shoppestopp av klede og sko til meg sjølv i eit år

Eg hadde shoppestopp for fem år sidan, og det er noko av det mest nyttige eg har gjort. Det endra tankesettet mitt veldig når det kjem til kva ein eigentleg treng og kva som er ekte materialisme (kva det er (i mine auger) skal eg lage eit eige innlegg om). Etter det har eg ikkje vore noko stor shoppingløve, men eg skal likevel ha eit år med stopp, for å rett og slett dytte meg i retning symaskina! Eg har veldig lyst til å sy meir, -så dette året skal eg for alvor sette meg inn i det. Det er lov å kjøpe brukte klede og nye tekstil til syprosjekt, men eg skal i størst mogleg grad gå for redesign. Eg er litt spent på om eg kjem i gong, eller om eg berre vert gåande i dei gamle kleda eg har. Det kan fort skje det også!

IMG_0546

 

Om du er nysjerrig på korleis dette skal gå, -følg med.

Inga

LagreLagre

LagreLagre

LagreLagre