Kutt plastfolien og bruk bivokspapir

Av den mest unyttige plastbruken, seglar plastfolien opp blant topp ti i mine auge. Plastfolien vert som oftast brukt særs kort tid, og etterpå går den rett i søpla. Heldigvis finst det gode løysingar, som bivokspapir!

Dette er bomullsstoff innsett med bivoks, som ein kan bruke som alternativ til plastfolie. Bivoksen hindrar tap av fukt, og vokspapira kan vaskast i kaldt vatn om dei får matsøl på seg. Då bivoksen er antiseptisk, brukar ein ikkje såpe. Slik kan ein bruke bivokspapira igjen og igjen, til dei må innsettast med litt voks igjen, -eller kan gå i matavfallet. Ein får meir bærekraftig lagring og oppbevaring av mat som treng litt ekstra beskyttelse.

Ein kan fint lage eigne bivokspapir, -om ein har tid! Det er ikkje tidkrevjande når du først er i gong, men så var det alt ein skulle rekke før det.. Eg fekk plater med bivoks av han som driv andelslandbruket me er medlemmer av, og dei har lege heile hausten på vent. Då eg til jul enda ikkje hadde summa meg (hehe) til å lage eige bivokspapir, vart eg innmari glad då eg fekk ein pakke i julegåve! Svigerinna mi veit nøyaktig kva eg treng og er ein racer på julegåver. Bivokspapira var av merket Bee’s Wrap og var i tre ulike størrelsar. Dei har vore i kontinuerleg bruk sidan dei kom i hus. Som dekke til skåler og glas med mat i og som matpakkeinnpakking på tur. No skal eg hive meg rundt og lage fleire sjølv, slik at eg kan kutte plastfolie og plastposar heilt frå kjøkenet. Det er eit av måla for 2018.

Kjekt å vete om bivokspapir:

  • Om du også kunne tenkje deg å lage ditt eige bivokspapir, har bloggen Grønare kvardag ei flott oppskrift her.
  • Det er manko på bivoks rundt om i landet, så om du ikkje har lokale birøktarar du kan høyre med, er det flust av stader ein kan kjøpe ferdig bivokspapir produsert av Bee’s Wrap og andre merke. Du finn det mellom anna hjå nettbutikkane Agent M og Bee Organic, men også i den fysiske butikken Reindyrka i Bergen.
  • Bivokspapir er ikkje like brukande til å pakke inn fisk eller kjøt. Eit alternativ, er å legge kjøtet eller fisken i ei skål eller behaldar med kant, slik at bivokspapiret ikkje kjem i direkte kontakt med maten. Elles fungerer bivokspapir utmerka til det meste!

 

Eg kjem med oppdatering når eg har laga mine eigne. Ha ein fin kveld!

Inga

LagreLagre

Bloggåret 2017

Mykje har blitt delt på Notisboka i år. Her er eit utdrag frå kvar månad!

Januar

Eg byrja året med å dele tips til miljøvenleg og bærekraftige klesmerke og me tok ein kik på kva som var i sesong i januar.

 

Eg fraus ned resten av festen og laga den beste brownien i verda med raudbete som hemmeleg ingrediens.

 

Februar

 

I februar var me på vinterferie i Kristiansand, og eg besøkte ein av favorittmatstadane mine i Noreg, nemleg Bønder i byen. På heimefronten vart kortreist torsk med (ikkje fullt så kortreist) søtpotetfries og aioli ein ny gjengangar på middagsbordet.

  

Eg og mannen var i bryllaup i Oslo i februar, og utleigetenesta Fjong kom reddande til då eg brått stod utan kjole. Eg feira også valentinsdagen med å gi mannen ei kul og bærekraftig vassflaske til å ha på jobben!

 

Mars

 

Eg var på jobbtur til Tyskland i ei veke. Mellom slaga fekk eg tid til å sykle rundt, kike på kirsebærtre som blomstra og nyte våren. Vel heime selde eg terrengsykkelen min til ein ivrig terrengsyklist!

 

Eg fekk stor inspirasjon til å ha eit zero waste-prosjekt, der målet var å handle flest mogleg emballasjefrie daglegvareprodukt. Elles fråtsa eg i appelsiner som var i sesong, når eg kunne.

 

April

  

Handleprosjektet fortsatte for fulle mugger, og eg oppdaga fleire og fleire stader i Haugesund kor ein kunne få emballasjefrie varer. Prosjektet gav meg fleire oppvakningar, -og smakfulle opplevingar!

   

Me melde oss inn i andelsbruk i Etne og eg kunne byrje å hauste litt i hagen i Haugesund. Eg vart intervjua om bruk av nynorsk i bloggverda og jubla over grønt spesialnummer av favorittbladet Stella.

 

Mai

   

Mannen fekk ei bursdagsgåve som førte til mindre avfall, -og han elska den! Bort med eingongshøvlar, og inn med kul barberhøvel fri for plast. Minstemann fekk ny barnehagedress, – igjen kjøpt på Finn.

   

Eg skreiv om jakka som vandrar frå den eine til den andre, og var begeistra over Anne Gunn Halvorsen si bok Livet og korleis leve det.

Eg skreiv om teposar utan unødvendig avfall og me kom i gong på andelsbruk i Etne, noko som førte med seg mykje hygge og interessante stunder.

   

Eg fekk etter langt og lenge eit mindre godt svar frå Synnøve Finden, etter å ha reist spørsmål om den meiningslause plasten dei selde saman med Kongsgård-osten sin. Somarhagesesongen byrja i Etne, -enn så lenge med tjukke sokkar på.

 

Juni

  

  

Me starta ferieturen vår som var bilferie i Noreg frå Valdres i aust, via Oslo til Sørlandet i sør. Me besøkte flust av familie og vener på vegen, me gjekk i fjellet, mann og barn fekk nokre late dagar i Ullevåll hageby hjå familie, medan eg feira Siri som skulle gifte seg, høgt og lågt i Oslo. Etter ei heidundrande helg, sette me snuten mot svigerfamilie, hytteliv i Mandal og dyreparktreff med gamle vener i Kristiansand. Ein flyfri somarferie full av gode minner. Frå fjell, til uteliv til strand og skjærgård. Akkurat slik me likar det, -i pose og sekk.

 

Juli

  

Me var fortsatt på somarferie og minstemann tusla rundt i det eine bruktplagget etter det andre. Her i tante Mari sin 20 år gamle buksedress. Svoger Will introduserte oss for Torta de ceci, som vart smaken av somaren 2017.

   

I ferien fann me også fine zero waste-produkt, som desse fine Noregsglasa med lok og gjenbrukbare sugerør. Etter ferien har dei vore i bruk fleire gonger i veka. Då me kom heim vart eit teppe redda i siste liten frå å hamne på søppeldynga.

 

August

 

I august fekk eg sydd om ein kjole eg kjøpte på bruktfest for eit år sidan. Me skaffa oss syklar som passa betre til vår bruk, og gjorde oss klare til fleire bilfrie dagar.

   

Eg gjorde ny rekord i bruktkjøp, då eg handla sykkelsetet i lunchen og det vart også andre fine bruktkjøp, som denne fine messinglampa frå Fretex.

 

Eg skreiv ein anmeldelse av hybridbilen vår og hadde det første sy-om-prosjektet. Ein uperfekt kjole laga av mannen si skjorte som gav lyst til å sy meir.

September

  

Eg lurte på om det var ok å gi brukte gåver og hausta mykje godt på andelsbruket.

  

Humlebedprosjektet gjekk både opp og ned. Halvparten av plantene drukna, men humlene kom! Eg testa også avfallsposar av mais.

 

Oktober

   

Det vart arrangert Fiksedag på Gamle Slaktehuset og eg vart fotografert av flinke Ida Skeie.

  

Eg starta å dyrke gjenbrukspurre i vinduskarmen og oppdaga boka eg alltid har drøymt om å ha.

 

Spasertur på Hamresanden enda med strandrydding og me hadde storslagen miniferie på under 24 timar i Etnefjella.

 

Eg skreiv ein anmeldelse av OrganiCup og me var på flyfri haustferie i Danmark.

 

November

  

Eg lurte på om microfiberklutar framleis var det mest miljøvenlege alternativet, og fekk svar frå Framtiden i våre hender! Me tok også ein kik på alt det gode som var i sesong i november.

 

Me laga gjenbrukskunst og eg kunne endeleg annonsere julekalenderprosjektet eg hadde jobba med i det stille.

 

Desember

Finn.no hadde ein viktig kampanje om at det er heilt greit å gi brukte gåver, -og eg gav tips til vintersykling.

 

Eg laga grøne siste-liten-julegåver og me arrangerte «grøn søndag» for naboane på feltet, -som også kom fuglane til gode.

Eg fekk publisere 24 intervju av spanande personar som fortalde om sitt forhold til klima og miljø. Det artigaste prosjektet på bloggen nokon sinne!

 

Takk for eit flott bloggår og at du kikar innom! Til alle nye følgarar: velkommen! Så kjekt å sjå deg!

Kom gjerne med innspel til ting de lurer på, som me burde finne ut av eller burde bli betre på i det nye året. Det er difor denne bloggen er til. Målet er at den skal inspirere og gjere meg og dykk andre klokare på korleis me kan leve «grønare» og meir bærekraftig. Eg lovar fleire grøne bloggpostar og sprell i 2018!

Inga

 

LagreLagre

LagreLagreLagreLagre

LagreLagre

LagreLagre

LagreLagre

LagreLagre

LagreLagre

LagreLagre

Godt grønt nytt år!

Bilete frå februar då eg vart redda av klesutleigetenesta Fjong!

Godt nytt år alle saman! 2018 er her og det betyr blanke ark og nye moglegheiter. Skal me gjere 2018 til eit enda grønare år enn 2017?  Høyrte eg ja? Ok! Då gjer me det!

Det er så mange fine tiltak ein kan gjere, som ein lett kan innlemme i kvardagen utan at ein merkar stort. Her er nokre forslag:

Byt ut bil med sykkel eller buss 1-2 gonger i veka.
Du sparer utgifter til drivstoff, parkering og bompasseringar. I gjengjeld får du gratis trening og utetid!

Ha kjøttfri middag 1-3 dagar i veka.
Kvifor ikkje utvide kvardagsreportoiret i 2018 med spanande og næringsrike rettar, -utan kjøt? Det finst eit hav av spanande smakar og oppskrifter!

Ha mål om at kvart andre eller tredje kjøp (utanom daglegvarer) du gjer, skal vere brukt (eller leigd)
Finn.no, kjøp-og-brukt-sidene på Facebook, utleigefirma som Fjong m.m. er store skattekister for den som kjøper brukt eller leiger.

Ha mål om å ha færre flyturar i år enn i fjor.
Me nordmenn er på flytoppen i Europa. Nokre flyturar er vanskelege å unngå når ein må fly i jobben eller skal besøke familie. Men å byte ut ein storbyferie i Europa med ein storbyferie i Noreg, telttur eller turisthyttetur i Noreg, kan anbefalast på det varmaste!

Byt ut eingongsprodukt med gjenbruksvariantar.
Me bruker mykje unødvendig plast som plastfolie, plastsugerør, eingongskoppar m.m. Kva med å ha mål om å bruke gjenbruksvariantar i større grad? Ein fjerner raskt mykje unødvendig avfall.

Hiv du deg med på ein av desse, eller har du kanskje andre grøne mål? Del gjerne i kommentarfeltet! Seinare kjem eg med eit resymé av bloggåret, og kva grøne mål eg har for 2018. Det er mange små, og eit stort eit…

Følg med!

Inga

LagreLagreLagreLagre

Grøn surfing

Visste du at du kan bidra til miljøet når du surfer rundt på nettet? Ved å bruke søkemotoren Ecosia, bidrar du til at nye tre blir planta rundt om i verda. Som alle andre søkemotorar, får Ecosia annonseinntekter frå firma og selskap som kjøper reklameplass. Det som er utradisjonelt ved denne søkemotoren, er at 80% annonseinntektene vert brukt til treplantingsprosjekt rundt om i verda!

Du kan lese meir om prosjekta deira her, og legge til Ecosia som fast søkemotor her. Ecosia kan brukast som startside både hjå Safari, Microsoft Explorer, Chrome, Firefox m.fl.

Dette betyr at ein ikkje treng ha like dårleg samvit neste gong ein innser at du har surfa bort to timar…og det kan jo vere ein lettelse for fleire av oss!

Grøn mat for sjela i oktober

OLYMPUS DIGITAL CAMERA

Brått er november her. Det er lenge sidan eg laga ei liste over grøne og fine ting frå ein månad. Det må difor til. Det betyr ikkje at eg berre har gjort miljøvenlege val heile månaden. Ikkje i det heile tatt. Men eg er overbevist at om me fokuserer på dei miljøvenlege vala me får til, -og gler oss over dei, vert det enda lettare å ta miljøvenlege val ved neste korsveg. Skippa du fancy middag til fordel for å ete middagsrestar som eigentleg skulle bli kasta? Då er sannsynet for at du gjer det igjen, høgare. Lot du bilen stå til fordel for å bruke beina eller sykkel til jobb? Då er det lettare å gjere det neste dag også. Er du enig?

Her er nokre grøne fine ting frå oktober:

Bruktkjøp av køyeseng

Me trengte ny seng til ungane, og fekk tak i ei flott køyeseng med madrasser her i Haugesund, via Finn. Hurra! Meir om dette i eit eige innlegg.

Bruktkjøp av klede til eldstemann

Å kjøpe klespakkar til ungar på kjøp-og-sal-sida til Haugesund og omegn, er gull verdt. Du får gjerne fleire plagg til prisen av eit, i rett størrrelse og pent brukt. Her vart det både ny boblejakke, genser og nok ei dongeribukse. Det siste er sårt tiltrengt, då det vert hol på kneet etter kort tid på dei fleste buksene.

Resirkulering av matrestar i vinduskarmen.

Purre- og vårlaukstubbar vert som nye når ein set dei i vatn. Dette artige prosjektet ser ut til å bli særs vellukka, og no skal eg teste ut salat også.

Spontan strandrydding

Me fekk til ei lita strandrydding på Hamresanden i haustferien. Det var fint å gjere eit lite tiltak for somarferiestranda vår.

Resirkulerbar gåver til bursdagsborn

Minstemann fekk ei resirkulerbar gåve til bursdagen, med høg sjarmfaktor.

Boka eg alltid har sakna

Eg fann boka eg alltid har sakna, på biblioteket i Haugesund. Leseverdig om sjølvdyrking og alt anna som skal til for å bli sjølvhjulpen.

Kortreist lam i fryseboksen

Me fekk levert eit lam frå andelsbruket me er del av. Lammet har tusla rundt i Etnefjella i somar, og no fekk me det ferdig partert. Når ein først skal ete kjøt, er det fint å vete at dyret har hatt det som plomma i egget.

Fin fiksedag

Fiksedagen på Gamle slaktehuset var veldig kjekk og interessant!

Fly-fri haustferie i utlandet

Me droppa flyferie og reiste i staden på ferie til Danmark med bil og båt. Det var minst like kjekt!

Vekeshandel som reduserer matavfallet vårt betrakteleg.

Me har kome i gong med vekeshandel igjen, og det har stor effekt på matsvinnet.

…så ei av sakene eg ikkje har fått til.

Sykkel for bil

Denne månaden har det vore skikkeleg vanskeleg! Eg har sykla til jobb kvar dag, men bilen har likevel blitt brukt særs ofte. Det er rart med det. Nokre vanar er vanskelegare å vende.

No bur me oss på vintersykling. Syklane skal utstyrast med vinterdekk, så håpar me at november blir ein betre månad.

IMG_20171101_104354_433.jpg

Kva grøne val har du tatt denne månaden? Er det noko som har vore skikkeleg vanskeleg å få til? Del gjerne i kommentarfeltet. Det er så kjekt å høyre om kva andre gjer!

Ha ein fin dag!

Inga

Lyst til å få nye innlegg rett i Facebook-feeden? Følg meg gjerne her på Facebook!

LagreLagre

LagreLagre

LagreLagre

LagreLagre

LagreLagre