Nedbrytbart servise

Minstemann har bursdag på torsdag og dei store heltane er dyra i Hakkebakkeskogen. Me var innom butikken ved inngongen til Dyreparken ein snartur på laurdag, og kom over dette fine serviset. Ikkje i plast, -men i biologisk nedbrytbart materiale. Så fint og så smart på ein gong!

Tommelen opp til Dyreparken for å selje slike saker i butikkane sine!

Om du er på jakt etter Hakkebakkeskogen-fritt servise som er plantebasert, har både Agent M, Christiania Glasmagasin og Kamelon fine alternativ.

Ha ein fin kveld!

LagreLagre

OrganiCup

Visste du at kvinnene i verda bruker i snitt 11 000 bind og tampongar i løpet av eit liv? Det er hinsides mykje avfall. Med omsyn til at produksjonen av desse varene også fører til store utslepp, hadde det vore fint å kunne kutte det heilt, ikkje sant?

Eg har det siste halvåret prøvd OrganiCup, ein såkalla menskopp. Eg har visst om menskopp i fleire år, men har vegra meg litt for å bruke det. Ikkje veit eg heilt kvifor, -og ihvertfall ikkje etter å ha prøvd det i praksis.

Å bruke Organicup føles tryggare, meir hygienisk og er langt meir komfortabelt enn å bruke bind eller tampong. Koppen er enkel å bruke og det einaste «aberet», er at du kan gløyme ut at du har den i. Set du den inn på rett vis, kjenner du ikkje at den er der. Koppen er laga av allergivenleg silikon og varer i opp til fem år.

Ein kan ha koppen i i 8-12 timar om gongen. Det mjuke materialet gjer at koppen former seg etter kroppen og du kan drive yoga, springe, hoppe, svømme og danse utan at det er eit problem. Koppen kjem i to størrelsar, ein for dei som ikkje har født vaginalt (str. A) og ein for dei som har født vaginalt (str. B). Det einaste du må passe på, er å kvar periode sterilisere den i kokande vatn før du tek den i bruk. Under perioden, skyller du den berre godt under springen når du har tømt den, før du set den inn igjen.

Når du skal bruke den, folder du den saman som på biletet under, og set den inn. Når du skal ta den ut igjen, trekk du berre i enden. Fleire tips til korleis du skal sette den rett på plass og andre ting det er nyttig å vete om, finn du her.

Menskopp er kort og godt enklare, meir økonomisk og betre for miljøet enn tampongar og bind.

Det er elles ikkje berre OrganiCup som produserer menskopp. Også Mooncup, Divacup og Lunette fører det same konseptet. Eg kjenner fleire som er nøgde brukarar av dei andre merka, men eg har så langt berre testa ut OrganiCup. Eg er utruleg nøgd og kjem til å fortsette med den.

Dette er ikkje spons, men produkt kjøpt for eigne kronasjer. Dette er forresten eit fint gåvetips til dei som har alt! Eg har kjøpt fleire som eg kan gi bort. 

 

Har du nokre erfaringar med menskopp? Har du ikkje prøvd, men lurer på å byrje med det? Fyr laus i kommentarfeltet om du har spørsmål, så skal eg svare så sant eg kan. 😀

LagreLagre

LagreLagre

LagreLagre

LagreLagre

LagreLagreLagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

LagreLagre

Tante (miljøvenleg) Pose

Dei siste vekene har eg fått heim nokre fine saker som gjer hushaldet pittelitt grønare.

Først ut er det fine og nye handlenettet! Til no har me brukt nokre handlenett frå den tidlegare jobben til mannen. Me fekk ei stor budde då han jobba der. Dei har vore hyppig i bruk, som handlenett, til treningstøy, til papiravfall, som alternativ oppbevaring av alt og ingenting når me er på bilferie etc. Dei har blitt brukt til alt, -og no har dei byrja å gå i oppløysing ein etter ein.

Det var difor på tide å kike etter nye handlenett. Eg tenkte først eg skulle sy nokre sjølve i kanvas, for å få dei så robuste som eg ville. Dei skal gjerne brukast til å bære mjølkekartongar, flasker og liknande i, så då bør dei tåle litt. Eg fann ikkje eigna stoff nokon stad (men gi gjerne beskjed om du veit kor eg kan finne!). I staden kom eg over desse fine handlenetta i voksa kanvas på Etsy! Eg bestilte eit heim, og det tåler enormt mykje. Eg treng fleire!

Bakdelen med å bruke handlenett, er at ein titt og ofte går tom for plastposar til restavfallet. Desse posane frå Maistic er like store som vanlege handleposar, tåler ein del vekt og er fri for plast! Dei er rett og slett laga av mais og er ikkje farlege for miljøet når dei går i oppløysing. Rett nok vert restavfallet i Noreg brent og det hamnar ikkje i jorda, men eg tenkjer at dess færre plastpartiklar og avgassar me sprer, dess betre er det for miljøet. Avfallsposane fann eg hjå Agent M.

Ha ein fin kveld!

Zero Air Miles

Då me var på ferie kjøpte me ei flaske ketchup hjå Provianten i Mandal. Her heime går det mykje ketchup, og det er kjekt å prøve noko nytt!

Då eg kika nærare på etikketten, oppdaga eg at her har produsenten tenkt lengre enn smaken. Ketchup-flaska er rett og slett ikkje transportert med fly, for å gjere CO2-utsleppet per flaske mindre. Så smart!

Ha ein fin tysdag!

/Inga

LagreLagre

LagreLagre

LagreLagre

LagreLagre

Vakker og sporty havplast

Etter lang tid utan trening, har eg endeleg kome i gjenge igjen. Den dørstokkmila har blitt veeeeldig lang dei sista åra, men sol, fri og lyse kveldar gir god motivasjon. Om du også likar å springe, -eller kort og godt ha på deg skikkeleg snaisne joggesko når du er ute og travar i det daglege, -har eg eit skikkeleg miljøtips!

Adidas har saman med miljøorganisasjonen Parley for the Oceans laga ein kolleksjon med joggesko, -laga av havplast. Joggeskoa består av 95% havplast og 5% resirkulert polyester.

I tillegg til å vere eit unikt gjenbruksprosjekt, ser skoa også kjempefine ut! Er de ikkje enige?

(Trykk på bileta for å komme til kjeldene)

Tommel opp for gladsaker som omhandlar havplast! Om du vil sjå heile kolleksjonen, kan du trykke her.

Ha ein fin dag!

/ Inga